CD - Graduus
Erschienen: 2012
Oli Blessinger - Graduus - Studiosession
Songs
1 Graduus - Musik: Werner Text: Blessinger - 4:48
Die offni Stross, dr witti Himmel
Es halbs läbe hinger mir
Die änge Bärge wärde zu Zwärge
Im Rückspiegel hinger mir
Wem e got um irgendeinisch wieder z`cho
Denn isch`s keis go sondern
Es einisch wiedercho
Vo dört wo mä här isch cho
Drum gsehni kei Grund zum go
I bi do
Irgendwie a cho
Das isch mi Hafe
Do leg i a
Do cha ni schlofe
So wot is ha
Do möchte i blibe
Do schlof i us
Do will i liebe ,do halt is uuuuuuuuuuus
I grab dä Schatz us woni irgendwenn vergrabe ha
Und all die Wünsch woni emol ha vor mir g`ha
Wo mi hei glockt dass i vergässe cha
Um unbefange neu a`zvo
I bi verruckt wie Meer und Wing
Wenn si zämme am stritte sin
Zwüsche noni sowit und jetz bini z`alt
Mi Läbensbarometer,seit,-
Küss mi jetz und lieb mi spöter
Refrain
2 I glaub numme - Musik/Text: Blessinger - 4:32
Ä Moderator list dr Text ab
brichtet vom Wältungergang
verspricht,jede bechunnt sis Fett ab
am Finale Abgang
d`Zeiche si Vorapokalyptisch
öppe scho zum X-te mol
professionell sympatischi
Wägwärfmoral
Vielversprächendi Schof
Vo Grosse Chlikarrierte Männer
Verkünde Nationale Stolz
Verirrti plöckendi Lämmer
Vorusse lauft grad es Gwitter
D`Wält explodiert vor sich hi
Und us dämm Stimmegwitter
G`höri di
Überem Schlachtfäld got plötzlich d Sunne uf
Und du frogsch mi was i heig i gsech so truurig us
Chumm mir choche öppis zämme du heigisch alles derbi
Und nachhär lisisch mir chli vor
Es isch so schön mit dir
I glaub numme was i gschpühr
Rotlosi Zuekunftslosigkeit
Dr übersättigt Tod im Mainstreamchleid
D`Verzwieflig sig dr Priis
Wo mä für Sälbschterkenntnis zahlt
D`Sunne lit verwundet
am Rand vo däm Tag
Mir si d`Chrone vo dr Schöpfig
Mir hei se jo zahlt
Überem Schlachtfäld got plötzlich d Sunne uf
Und du frogsch mi was i heig i gsech so truurig us
Chumm mir choche öppis zämme du heigsch alles derbi
Und nachhär lisisch mir chli vor
Es isch so schön mit dir
I glaub numme wasi gschpühr
I glaub numme was i
I glaub numme was i gschpühr
3 Vogel - Musik und Text: Blessinger - 4:48
Jetz möchte i fliege
I breit mini Flügel us
Wie ne Vogel
Fäderliicht
Ganz höch obe
Im Kreis
Das bin i
Jetz möchte i fliege
I breit mini Flügel us
Wie ne Vogel
Fäderliicht
Ganz höch obe
Im Kreis
Das bin i
I schrub mi i Himmel
Vo do gseht me alles
Höcher,witer, graduus,schneller
Ganz höch obe
Im Kreis
Das bini
I bi am fliege
I breit mini Flügel us
Wie ne Vogel
Fäderliicht
Ganz höch obe
Im Kreis
Das bini
4 Remo - Musik: Blessinger/Werner, Text: Blessinger - 4:31
Ciao Remo scho lang nüm gseh was tribsch denn du
Är seit frog mi nit ganz ok verzell doch lieber mol du
Nit dr red wärd Remo es muess
I würd säge es chönnt nit besser go
Und är süfzet und seit är heigi d`Schnauze voll
Und är plani scho länger ä Banküberfall
10 Millione ligge drin
Wenni mit miech dennä teile mir dr Gwünn
Und är dreit s`Läbe wiene Schibe abe
Und hebt sini Nase i Gegewing,
Immerhin, immerhin, halb so schlimm
Ä sekundeflucht usem tägliche Wahnsinn
Mir überfalle none Tankstell und chlaue nis ä Charre
Fahre über d`Gränze und chläbe nis ä Bart a
Schiesse uf Autobahn Schilder
Mir Ligge im Schatte vomene Kaktus
Und trinke Tequilla bis wit über d`Nacht us
Schiesse nis Fliege vo de Zehche
Und die ganz Polizei und s`FBI
Isch rotlis will si keini Spure hei
I säg Remo was meinsch, wie lang halte mir das us
Wenn`s äng wird fahre mir dur d`Klippe us
Und är dreit s`Läbe wiene Schibe abe
Und hebt sini Nase i Gegewing
Immerhin, immerhin halb so schlimm
Ä sekundeflucht tägliche wahnsinn
Git. Solo
Und är seit mängisch chani all die Mensche nümme gseh
All das Gliir und das Gschtürm um das bitzeli meh
I chönnt jo liege und mir irede hüt sig nit mi Tag
Aber eine woni ä Freispruch guet vertrag
Und är dreiht s`Läbe wieder ufe und cha wieder ä chli schnufe,- ä Teilertrag
Immerhin, immerhin halb so schlimm
Ä sekundeflucht tägliche wahnsinn
I ha neulich im Tram ä alte Kolleg a troffe
Ä alte Schuelfründ us vergangene Zytte
Mir hei nis sicher scho ewig und drüü Tag nümme gse
Und jetz stöh mir i däm Gwüehl i de Lüt i däm Tram – näbenang
5 Wunder - Musik: Blessinger/Werner, Text : Blessinger- 3:09
Es wunder isch passiert
A däm hellblaue Zischtig
I bi eifach gloffe
Und uf eimol passierts
Eifach wie a gschosse
hetts mi troffe
I bi doch numme harmlos
Dr Nase no gloffe
Am Wägrand wohnt ä Blueme
Die wird uf eimol wichtig
Si bringt mi vo däm Wäg ab
Ine au möglichi Richtig
Äso wienis schone mol e
G´schpürt ha g´ha
Wo sich mir ä neui Türe
Plötzlich uf het do
Wienes Gschänk vo irgendwo
Inegschobe becho
Ha nis denn ohni danke z`säge
Gärn a gno
Und i ritt uf derä wälle wo sich ständig
Churz vor mir bricht
Knapp vorem tiefe Fall
Und so lang is ma hebe woti obe uf schwebe
Es durt jo für gwöhnlich nit all zu lang
6 I will Di - Musik: Blessinger/Werner, Text: Blessinger - 3:45
Es isch fertig mit eus zwoi
I ma keini Liege meh
Und I will nümm bättle nach liebi
Mir schliesses jetz ab
Es blibt eus nüt angers me
I bi s`leid di z`liebe
I wott nit länger liide
Es git kei Hoffnig meh
I will di nie me gseh
Mir hei nis veränderet
I gschpühr dini zärtlichkeit
Nümm so wie geschter
Du bisch mir ä schweschter gsi
Es blibt eus nüt angers me
I bi s`leid di z`liebe
I wott nit länger liege
Es git kei Hoffnig meh
I will di nie me gseh
...nie me, nie me, nie me, nie me, gseh
I will di, nie me, nie me, nie me, nie me, gseh
I will di, nie me, nie me, nie me, nie me, gseh
I will di, nie me, nie me, nie me, nie me, gseh
I bi s`leid di z`liebe
Und i wott nit länger liide
Es git kei Hoffnig meh
I will di
I bi s`leid di z`liebe
I wott nit länger liide
Es git kei Hoffnig meh,nei, nei
I will di
7 Dussle - Musik und Text: Blessinger - 5:00
D´Dussle züngt ä Ziggi a wo si so dringend nötig het
Und zieht dr Chrage tief is gsicht
Zellt ihri Schritt so wie sis immer macht
Wenn si hei lauft i dr Nacht
Und frogt sich einisch meh wiso si das macht
Si luegt abe zu de Füess wo se räschtlos ufrächt trage
Es gseht us wienes Schueflugzüg am lande
Dr Bode zieht are vorbi und si dänkt sich nüt drbi
Und sie erinnret sich dra
Wie albe früehner dr Pa
Si im Arm het g´ha
Und ihre denne het gseit
Du bisch mini sunne,- mi liebi mi freud
Du bisch mini sunne,- ha mi so uf di g´freud
Du bisch mini sunne,- si hätts gärn nomol g´hört
Si stellt sich vor si stoht ufeme mit Efeu bewachsenem Balkon
Und drunger stöh alli Mensche und hebe d´Hang zum
Himmel uf
Und rüefe ihre zue hey Dussle du bisch die gröschti
Mir hei alli immer a di glaubt chumm zue nis mir tröschde di
Dussle seit numme 1 Wort zu dr Menschheit
Und alles wo mol schief isch gloffe
Wär uf eimol wieder grad
Bridge / Refrain
Und wo si das het afo dänke het si dänkt
Dä Gedanke muess jetz würklich nit si
Mä cha s´Glas halb voll oder halb Leer gseh
Und wenn das würklich so isch denn wott sis
Überlaufe gseh
8 Jede vo Eus - Musik und Text: Paddy Casey, adapt.: Blessinger - 3:52
Jede vo eus het ä Traum
Jede vo eus het ä Traum
Si hange hoch obe am Baum
Jede vo eus het ä Traum
Jede vo eus het ä Wunsch
Jede vo eus het ä Wunsch
Es lauft nit nur nach sire Gunscht
Jede vo eus het ä Wunsch
Und mir tauche wieder i
I Euser sälber gmachts Chaos
Und schufle eusi Wäge scho Frei
s`Glück erkennt mä erscht
wo mä drinne isch gebore
i däm Momänt wo mäs het verlore
Jede vo eus suecht sis Glück
Jede vo eus suecht sis Glück
I chline schritte Stück für Stück
Jede vo eus suecht sis Glück
Refrain
Weisch i wünsch mir nur chli Zyt
Weisch i wünsch mir nur chli Zyt
Damit i mir nüt schuldig blib
Weisch i wünsch mir nur chli Zyt
Refrain
9 3mol umgheit - Musik: Werner/Brander, Text: Blessinger - 3:06
Dr Charly hinger dr Bar
Lot dr Fährnseh a
So fot mi Film a däm Samschtig obe a
Isches rächt oder falsch
Wenni jetz zuegib das mir g´fallsch
Es isch so schön wie du redsch
Wie dini Auge lüchte wenn de verzellsch
Es isch scho spot und du seisch
Chumm mir laufe zämme hei
3 mol umgheit und mir werä dehei
Du hesch gseit müessisch jetz go
müessisch morn wieder frühe ufstoh
I ha no g´frogt säg bisch allei
Du hesch glache und gseit nei
Aber so eine wie mi
Nähmisch gärn no zue dir hei
3 mol umgheit und mir werä dehei
Solo
Ä wuche druf ir gliche Bar
Seit ä stimm zu mir hell und klar
Du heigsch so oft a mi dänkt
Nit nur dr Zuefall heig di wieder zu mir glänkt
Und i frog wie laufts dehei
Und du seisch du sigisch wieder allei
3 mol umgheit
und scho si mir dehei
dr Charly hinger dr Bar
Macht dr Fährnseh us
So got mi Film a däm Samschtig obe us
3 mol umgheit
und scho bini dehei
10 Muttenz - Musik: Werner, Text: Blessinger - 3:01
I schliche do im Tram am Joggeli vorbi
Richtig Muttenz de Tramlinie lang
I muess go probe mit dr Band
hüt si wieder alli derbi
Und si erwarte ä neue Song vo mir
Aber i ha nüt parrat und es fallt mir nüt i
Weder ä Bass no nes schlagzüg oder ä gueti Melodie
Nüt wo numme a nähernd chönnti töne wie ne Song
Und es si no 4 Statione bis zum Üebigsrum
I fo afo schwitze und i wird ganz bleich
Nit ei Ziile vore Strophe nur so billige seich
I hät alles parrat ä Stift und Papier
Und es si no 3 Statione
Aber es fallt mir nüt i
Gang nit zum Hueber, dä brucht doch kei Idee
Au nit zum Hofer a Thunersee
Au nit zum Kuno, dä cha grad nit
Aber zu mir chöntsch doch cho,
i ha no 2 Statione Zytt
Solo
Gang nit zum Roli Frey dä machts doch sowiso guet
O nit zum Pink Pedrazzi i Zylinderhuet
Au nit zum Cla Nett dä schribt ein sälber jedi Wett
Aber zu mir chöntsch doch cho
i ha no 1 Station Zytt
I schliche do im Tram am Joggeli vorbi
Richtig Muttenz de Tramlinie lang
I muess go probe mit dr Band
hüt si wieder alli derbi
Die wärde Freud ha
I hane neue Song drbi
Du bisch nit zum Hueber - dä brucht di nit
Au nit zum Hofer - dä mag grad nid
O nit zum Kuno dä - dä cha grad nit
Aber zu mir bisch jetz cho,hallo
I nimm di mit
schön dass es di git
11 Charly - Musik: Werner, Text: Blessinger - 3:38
Charly isch ä Träumer
Ufem Rügge vo däm Tiefseefisch
Charly frogt sich ständig
Was am Rand vom grosse Wasser isch
Wo chunnt me här
Wo got me hi
Wenn isch mä acho und wo füehrt das hi
Charly packt sini Träum i sim Härze i
Und är träumt sich hi
Wo niemer usser är cha si
Wo är si Held cha si
Charly bloge Froge
Wo niemer druf ä Antwort weiss
Mä macht um ihn ä Boge
Drum macht är sich ufne langi Reis
Dr Walfisch bringt ihn bis zum Wasserrand
Dört sitzt är i dr Nacht uf eme mondbeschiene Fels a Land
Charly luegt i Himmel är meint är sig im Zauberwald
Und är träumt sich hi
Wo niemer usser är cha si
Wo är si Held cha si
Charly luegt id Stärne
I das grosse dört Voruss
Är weiss är cha fliege
Und breitet sini arme us
Charly isch ä träumer
Ufem rügge vo däm Tiefseefisch...